ARB yüksək verimli cüt kompressor - CKMTA12

ARB istehsalı olan hava kompressorları yarışlarda, təbiət qoynunda istirahət etməyə gedərkən, balıq tutarkən, ov edərkən avtomobilinizin funksionallığının təmin edilməsi baxımından bir çox üstün cəhətlərə malikdir. Bloklama mexanizminin fəaliyyətinin təmin edilməsindən başqa, kompressordan 12 voltluq elektrik cərəyanı olan istənilən yerdə təkərlərə hava doldurmaq üçün də istifadə edilə bilər.
Tam ötürücülük (4x4) aksesuarları içində yolsuzluq avtomobili sürücüləri üçün hava kompressoru qədər geniş imkanlar təklif edən ikinci vasitə yoxdur. Bunlardan ən əsası təkərdə havanın təzyiqini yol örtüyündən asılı olaraq dəyişdirmək imkanıdır. Məsələn, qumlu yolda təkərdə havanın təzyiqi azaldılmalı, asfalt üzərində isə mümkün olduğu qədər artırılmalıdır. Yolsuzluq avtomobilinizin kapotunun altında (ya da xüsusi qutuda) yerləşdirilən kompressorla bu təzyiq tənzimləmə əməliyyatı elə də çox vaxtınızı almayacaqdır.
Kompressor deşilmiş təkərə hava vurulmasında da əvəzedilməz vasitə ola bilər. Bəzən növbəti avtomobil servisinə qədər onlarla kilometr getmək lazım olur. Avtomobilində hava kompressoru ilə birlikdə şıinin təmiri üçün ARB alət dəsti də gəzdirən cip sürücüsü məsafənin uzunluğundan asılı olmayaraq əminliklə istənilən səyahətə çıxa bilər.

TEXNIKI XARAKTERISTIKALARI
Uzun müddət işlətmək mümkün olsun deyə və lazımi səviyyədə etibarlılığı təmin etmək üçün ARB şirkətində hava kompressorları ancaq yüksək keyfiyyətli tərkib hissələrindən hazırlanır və kompressor göndərilmək üçün qablaşdırılana qədər dəfələrlə yoxlamadan keçirilir. ARB mühəndislərinin dizaynına və işlənib hazırlanmasına çox saatlar sərf etdiyi hava kompressorları vasitəsi ilə təkərləri asanlıqla doldura və məcburi olaraq bloklanmış diferensialların yenidən aktivləşdirə bilərsiniz.
Özəllikləri:

1.    Sürtünməni azaltmaq üçün elektrolit cilalama (anodlama) metodu ilə emal edilmiş silindr
2.    Nəm və toza qarşı tam müdafiəni təmin edən germetiklik
3.    Silindrin fasiləsiz istismar müddətini maksimuma çatdırmaq üçün onun kipləşdirici halqasına teflon maddəsi hopdurulmuşdur
4.    Avtomobildə quraşdırılmış pnevmatik üsulla bloklanan diferensialda istifadə üçün xüsusi olaraq dizayn edilmiş təzyiq tənzimləyici klapan
5.    Kompressorun anodlama üsulu ilə emal edilmiş bərkitmə kronşteyni mühərrikin həddən artıq qızmasının qarşısını alır və kompressoru bir neçə yerdən bərkitməyə imkan verir
6.    Kompressorun oturacağına vibrasiyanı və səsi azaldan araqatlar birləşdirilmişdir
7.    Porşenli kompressorlar zərbəyə qarşı yüksək dayanıqlığa malik olan Almaniya istehsalı podşipniklərlə təchiz edilmişdir.
8.    Su sıçrantılarına qarşı xüsusi qoruyucusu olan hava filtri sudan daha yaxşı qorunan sahəyə (məsələn, şnorkelə)  keçirilə bilər.
9.    Filtrin təmizləyici hissəsi yüksək buraxıcılıq qabiliyyətinə malikdir və su ilə yuyulub təmizlənə bilər
10.    Tökmə alüminiumdan hazırlanan möhkəm konstruksiya